Монгол улс үндсэн хуулиндаа дахин нэг өөрчилөлт оруулж өнөөгийн орчин цагийн гэх тодотголтой 126 гишүүнтэй шинэ Парламент бий болсон. Улмаар хамтарсан засгийг бүрдүүлж тодорхой саналууд дээр нэгдсэн байр суурийг илэрхийлэн, мөрийн хөтөлбөрөө гаргасан гэж иргэд олон нийт ойлгож байгаа. 3 намын нэгдсэн байдлаар тохирсон хамтарсан засгийн газрын гэрээг олон нийт маш ихээр сонирхож байгаа бөгөөд засгийн газрын зүгээс энэ асуудалд тодорхой алхам хийхгүй "нууц зүйл байхгүй" гэдэг шалтгаанаар нэлээдгүй хугацаа өнгөрлөө. Тиймээс олон нийт нөгөө талдаа намуудын дотоодод хардлага төрүүлээд байгаа энэ асуудлыг нээлттэй нэг бүрчлэн гаргаж тавихад болохгүй зүйл байхгүй гэж үзэж байна. Улс төрийн дотоод хөдөлгөөн өрнөчихнө гэсэн болгоомжлолтойгоор хөгжлийн бодлогын хамтарсан гэрээний нөхцөлийг удаан дарах нь улс төрийн дотоод зөрчилийг улам л нэмэх магадлалтай болно.

Бусадтай хуваалцах